KATTA RAHMAT, AVAZ OXUN!!!

Bahodir Anorov
Саралаш

Odamlar kutaveradi. Yangi Pelelar, yangi Jon Lennonlar, yangi Bryus Lilarning tug`ilishini kutaveradi. Umri yetguncha kutadi, chunki o`sha kutilayotganlar shunga munosib. Bizning xalqimizning ham o`z kutadiganlari bor: Yangi Tamaraxonimlar, yangi Ma`murjon Uzoqovlar, Komiljon Otaniyozovlarni kutamiz. Ularning qadri va o`rni bo`lak. Lekin so`nggi yillardagi shaxsiy kuzatishimdan kelib chiqib, xulosamni aytaman: xalqimiz bir insonni juda intiqlik bilan sog`ina boshladi.,, Qani edi tirik bo`lganida”, ,,U boshqacha edi-da” degan gaplarimiz ko`payib ketdi. Yoshlar chiqib, kulguni balchiqqa botira boshlaganida qattiq o`kindik. ,,U tirik bo`lganida kulgu bunchalar xor bo`lmasdi” dedik. U QAYTMOQDA!!! Hojiboy Tojiboyev qaytmoqda! Faqat Avaz Oxun timsolida…

Keling, boshidan boshlaymiz. Hojiboy Tojiboyev vafot etganlaridan keyin xalqni kuldirish borasidagi eng asosiy yuk ,,Mirza” teatri zimmasiga tushishi kerak edi. So`nggi yillardagi konsert dasturlarini kuzatar ekanman, bu vazifa sharaf bilan uddalandi deyolmayman. Ba`zi hazillarda esa parda umuman ko`tarilib ketganiga guvoh bo`ldim. Bo`lmadi.

,,Handalak” guruhining ijodi esa nazarimda sustlasib borayotgandek. Bir necha yillar oldingi  yuqori reyting shunga yarasha pasaydi. Saviya bor, hajv bor, ammo avvalgi ,,Handalak” yo`q. Yana bo`lmadi.

Buyog`iga yangi davr boshlandi. ,,Million” boshlab berdi. Guruh yetarlicha tanqid qilindi. Men hozir bu masalaga to`xtalmoqchi emasman. Afsuslanadiganim, yaxshi boshlashgandi. Ikkinchi konsertda esa ,,beldan past” mavzuga berilgan urg`u me`yoridan oshib ketdi. 

,,Dizayn” haqida esa iliq fikr aytish juda mushkul. Eng yomoni, so`nggi konsertdagi maktab o`qituvchisining, ayol kishining yer bilan yakson qilinishi, ustiga istalgancha mazg`ava ag`darilishi bo`ldi. Maktab, kollej, litseydagi o`smirlar shu sahna ko`rinishidan o`zlariga yomon ibrat olganlariga bir necha bor guvoh bo`ldim. Ming afsus… Umuman bo`lmadi.

Shunday kunlarning birida yorqin va esda qolarli chiqish sodir bo`ldi. Avaz Oxun kutilmaganda (hech kim bunday yorqin chiqishni kutmaganligini konsert zalining ko`p qismi bo`sh ekanligidan bilish mumkin) portlashni amalga oshirdi. Har bitta hazil yod bo`lib ketdi. Men konsertni ilk marta tomosha qilayotganimda oxirigacha chidolmaganman. Kulaverib, charchab qolgandim. Bo`lib-bo`lib tomosha qildim, qayta-qayta tomosha qildim. Hojiboy Tojiboyev konsertini tomosha qilgandek bo`ldim! O`sha kuniyoq bir narsani aniq bilgandim: Keyingi konsert ,,Istiqlol” san`at saroyida bo`ladi va zal liq to`ladi! 

Yaqinda ikkinchi konsertning diskini ko`rdim va shu masalaga alohida to`xtalmoqchiman. Menda bir necha xavotirlar bor edi. 

Birinchidan, cho`qqiga chiqish amalga oshirsa bo`ladigan ish, ammo cho`qqida turish juda murakkab ish! Birinchi konsertdagidan ko`prog`ini kutishlari aniq edi. Menimcha, Avaz Oxun buni uddaladi. Butun boshli dastur davomida zal bir xil haroratda tutib turildi. Bu oson ish emas. Ba`zi hazillar avval ham yangragan ekan. Atrofimdagi tomoshabinlar asosan shu masalaga e`tibor qaratdi. Lekin bu kamchilik hali albatta yopiladi. Boshlanishi doim qiyin axir. Xulosa qilsam, Avaz Oxun missiyani bajardi. Endi menda yangi xavotir bor: Avaz Oxunning uchinchi konserti avvalgi ikkisini ham bosib keta oladimi?

Ikkinchidan, birinchi konsertdagi hazillar mavzu originalligi bilan ajralib turgandi. Ikkinchi konsert uchun ham original va xalqona mavzular topish ma`suliyatini Avaz Oxun yaxshi his qilibdi. Restoranlardagi otning kallasidek narxlar,kundalik turmushimizdan chuqur o`rin olgan telefon, qishloqdagi yoshlarning sevgi maktubi, ayollarning hushini o`g`irlagan seriallar, qo`shiqchilik san`ati, futbol, kasb kasali kabi mavzulardagi ajoyib hazillar bu safargi konsertni bezab berdi. Kulminatsiya esa so`zsiz yana bir marta haydovchilar mavzusi! 

Bir narsani darrov payqaysiz, Avaz Oxun hazillarida samimiy ruh ufurib turibdi. Uning hazili birovni kamsitish hisobiga bizni kuldirmaydi. Hajv ostiga olingan insonlarning o`zi ham maza qilib kuladi bu gaplarga. Mana buni haqiqiy kulgu deydilar. Bu Hojiboydan bizga meros qolgan kulgu!  

Katta rahmat Sizga, Avaz Oxun! Odamlarni kuldiradigan mavzu qolmagan. Ularni hozir ,,beldan past” va reallikdan uzoq hazillar bilan kuldirish mumkin deb o`zini oqlab yurgan chala qiziqchilarning nohaqligini isbotlaganingiz uchun KATTA RAHMAT!

Katta rahmat Sizga, Avaz Oxun! Ota-onam bilan, singillarim bilan birga o`tirib tomosha qilish mumkin bo`lgan konsert berganingiz uchun KATTA RAHMAT!  

Katta rahmat Sizga, Avaz Oxun! Tag ma`nosi tubanlikka yetaklovchi, oila davrasida eshitish imkonsiz bo`lgan hazillarni o`zingizga ep ko`rmayotganliginigiz uchun KATTA RAHMAT!

Katta rahmat Sizga, Avaz Oxun! Hojiboy Tojiboyevni xalqqa qaytarganingiz uchun KATTA RAHMAT!

Maqolalarda odatda yechim bo`ladi. Bugungi yechim esa juda oddiy: Ijoddan to`xtamang! Doimo sog` va omon bo`ling, Avaz Oxun!

3.44 / 23

  • Ҳакамлар баҳоси
    3.44 / 23
  • Блогерлар баҳоси
    4.07 / 15
  • Муштарийлар баҳоси
    4.33 / 21

Ушбу блогпост учун овоз бериш муддати тугаган

3.5 Shukurullo 27/04/2018
2.5 Андижанец 27/04/2018
4 Yuldashev Islombek 27/04/2018
3 27/04/2018
3 AliLion 27/04/2018
4.5 Doniyor Rozmetov 27/04/2018
2.5 Botirjon 27/04/2018
2 Моҳинур Адҳамова 27/04/2018
4 Кодекс 28/04/2018
5 Abdusaid Saidahmatov 28/04/2018
5 Otabek Raxmonberganov 28/04/2018
3.5 Dilnavoz Berdiyeva 28/04/2018
5 Rakhmatillo Abdusamatov 28/04/2018
5 Nurbek Asqarov 29/04/2018
5 Shokir 29/04/2018
5 Anvar Ortiqov 29/04/2018
1 Kamolbek Botirov 29/04/2018
4 Jasur 29/04/2018
4.5 G'ayrat Norqobil 30/04/2018
3 Doniyorbek Obidov 30/04/2018
5 Eldor Negmatov 13/05/2018
Фикр билдириш учун рўйхатдан ўтинг
10 та фикр