O'tiraman, turaman, yotaman, yuraman tanam bilan. Boshim esa haqiqiy frontga aylangan. O'zimni Generaldan kam joyim yo'q. Axir " Ulug' Vataran urush"i ketayapti. Bu urush bir tarafdan men va dunyo o'rtasida, bir tarafdan o'zim bilan o'zim o'rtasida kechayapti desa ham bo'ladi.
Bu urush qurollari ham antiqa va juda zararli. Naq ko'ngilga zarba beradi. Bular " sen aybdorsan " , " men haqliman " , " faqat o'zingni o'ylaysan " , " mening fikrlarim to'g'ri " kabi yana bir qancha qurollar. Ular orqali qancha bazalarni bombardimon qilganman. Shunga yarasha bundan-da kuchli, ta'sirli qurollar bilan o'zimni ham bombardimon qilishgan.
Balki ichki dunyoimizdagi qurollanish poygasini tugatib ko'ngillarni bombardimon qilishni bas qilsak, o'z-o'zidan tashqi dunyoimizdagi qurollanish-u, bombardimonlar tugagan bo'lardi.
Фикр билдириш учун рўйхатдан ўтинг
0 та фикр