BIR KUNLIK QADR

BIR KUNLIK QADR

Balki fikrlarim optimizmdan ancha yiroqdir, ammo haqiqat. Yaqinda(aprel oyi boshlari) she'rlarimni qo'ltiqlagancha ijodiy muhit tomon oshiqdim. Oh, Navoiy-30!  Senda qancha daholarning nafasi bor! Sening ko'chalaringda qancha buyuklar izlari qolgan va qolayapti! Ana shunday hayajon bilan gazetaga kirdim. Ijod namunalarimni bo'ylari uzun, qosh-ko'zlari chip-chiroyli, kiyimlari ham juda go'zal, ijoddan esa a-a-a-ncha uzoq bo'lgan bir opaga tutqazishga majbur bo'ldim. Tutqazayotib o'ylarim chalkashdi. "Kechir, meni she'rlarim!" Afsus kotiba opaga she'rlarim maqul kelmadi. Qolaversa, Alisher Navoiy tavalludi o'tib ketgan bo'lsa-da, men u kishi haqida she'r yozib uni besamar ko'tarib yurganmishman! Chunki aprel oyida hech bir gazeta sarlavhalarida Alisher Navoiy haqida she'r berilmas emish. Ancha kech qolibman. Ammo sal kutsam yil bu yilgi sonlarida chiqishi mumkin ekan... Kechiring,  Hazratim!!!